TINGKATAN KEBATINAN KEJAWEN
1) Sembah
Raga (syariat)
Kawiwitan saking jasmani badan wadhag, dene sucine sarana warih, amargi kagungan tabiat Buta Denawa inggih menika hangkara murka kaliyan tabiat sato kewan, tamak, loba, dremba, sahwat, lan malesan. Pramila badan jasmani menika kedah kalatih sucinipun ingkang lampahipun saget katata nggadahi kebiasaan ugi kewajiban ingkang katindakaken sregep lan tekun kagungan iman lan kesabaran. Menawi lampah jasmani menika katindakaken kanthi lumintu (istiqomah) dadosaken pribadi ingkang tinata sae, ahklak martabat lan kesehatanipun badan menika, mujudaken drajating manungsa minangka titahipun Gusti ingkang Sampurna. (insan kamil).
Kawiwitan saking jasmani badan wadhag, dene sucine sarana warih, amargi kagungan tabiat Buta Denawa inggih menika hangkara murka kaliyan tabiat sato kewan, tamak, loba, dremba, sahwat, lan malesan. Pramila badan jasmani menika kedah kalatih sucinipun ingkang lampahipun saget katata nggadahi kebiasaan ugi kewajiban ingkang katindakaken sregep lan tekun kagungan iman lan kesabaran. Menawi lampah jasmani menika katindakaken kanthi lumintu (istiqomah) dadosaken pribadi ingkang tinata sae, ahklak martabat lan kesehatanipun badan menika, mujudaken drajating manungsa minangka titahipun Gusti ingkang Sampurna. (insan kamil).
2) Sembah
Cipta (tharekat)
Sasampunipun jasmani katata kanthi sae, tahapan sembah minggahipun inggih menika sembah cipta (rohani), lampah manembahipun langkung luhur amargi sucinipun sarana ngagem resiking ati (kalbu) utawi manah luhur kanthi ginakaken nalar lan pikiran (intelegensi) kangge memahami lan mangertosi kasunyatan supados mboten nerak angger angering Pangeran kanthi meper hardening hawa nafsu. (saget nguwasahi hawa nafsu). Menawi lampah Rohani menika saget katata salebeting kalbu kanthi lumintu (istiqomah) punika handayani pramananing cipta utawi sejatining pandulu (mata batin) saget mangertosi menapa ingkang badhe kalampahan awujud sasmita gegambaran kaliyan Sir medal saking manah nedhahaken menapa ingkang badhe kedadosan.
Sasampunipun jasmani katata kanthi sae, tahapan sembah minggahipun inggih menika sembah cipta (rohani), lampah manembahipun langkung luhur amargi sucinipun sarana ngagem resiking ati (kalbu) utawi manah luhur kanthi ginakaken nalar lan pikiran (intelegensi) kangge memahami lan mangertosi kasunyatan supados mboten nerak angger angering Pangeran kanthi meper hardening hawa nafsu. (saget nguwasahi hawa nafsu). Menawi lampah Rohani menika saget katata salebeting kalbu kanthi lumintu (istiqomah) punika handayani pramananing cipta utawi sejatining pandulu (mata batin) saget mangertosi menapa ingkang badhe kalampahan awujud sasmita gegambaran kaliyan Sir medal saking manah nedhahaken menapa ingkang badhe kedadosan.
3) Sembah
Jiwa (hakekat)
Menawi lampah jasmani kaliyan lampah rohani sampun saget kasalira, salajengipun minggah dumateng sembah jiwa, menika sucinipun sarana awas lan eling ngipataken nalar lan pikiran kanthi mawas tumuju salebeting batin lampahipun njabane meneng njerone anteng. Handayani paningal sejati saget mangertosi kasunyatan wontenipun alam kasar kaliyan alam alus, saget haningali arwah ugi lelembut lan sanesipun wonten ing alam ingkang mboten kasat mata. Dados menawi lampah hakekat menika katindakaken kanthi lumintu (istiqomah) salajengipun saget pinaringan karomah haningali cahya pribadinipun medal ilhaming Pangeran, salajengipun mangertosi cahya Nur Muhammad cahya ingkang pinuji padhang tanpa wewayangan.
Menawi lampah jasmani kaliyan lampah rohani sampun saget kasalira, salajengipun minggah dumateng sembah jiwa, menika sucinipun sarana awas lan eling ngipataken nalar lan pikiran kanthi mawas tumuju salebeting batin lampahipun njabane meneng njerone anteng. Handayani paningal sejati saget mangertosi kasunyatan wontenipun alam kasar kaliyan alam alus, saget haningali arwah ugi lelembut lan sanesipun wonten ing alam ingkang mboten kasat mata. Dados menawi lampah hakekat menika katindakaken kanthi lumintu (istiqomah) salajengipun saget pinaringan karomah haningali cahya pribadinipun medal ilhaming Pangeran, salajengipun mangertosi cahya Nur Muhammad cahya ingkang pinuji padhang tanpa wewayangan.
4) Sembah
Rasa (makrifat)
Sesampunipun saget nguwasahi kasunyatanipun bilih daya panguwasa menika jembar sanget, dene pangertosanipun sami nanging hasilipun boten saget karancang dening titah kagungan sifat pribadi. Sembah Rasa menika sucinipun sarana lumebet wonten rasa pangrasa ing batin ingkang alus piyambak supados saget nyawiji rahsaning manungsa saget manunggal kaliyan rahsaning Pangeran. Menika katindakaken kanthi narima, rila, iklas, sumarah dumateng kasunyatan gesang wonten alam donya, lajeng saget momot pasrah sakwetahipun wonten ngarsane Pangeran. Menawi lampah rasa pangrasa menika katindakaken kanti lumintu (istiqomah) mahanani kaweningan nedhahaken alam ghaib mangertosi alam suci kelanggengan suwung tanpa subawa inggih menika kahananipun sangkan paraning dumadi asale manungsa saka Allah lamun bali marang Allah maneh.
Sesampunipun saget nguwasahi kasunyatanipun bilih daya panguwasa menika jembar sanget, dene pangertosanipun sami nanging hasilipun boten saget karancang dening titah kagungan sifat pribadi. Sembah Rasa menika sucinipun sarana lumebet wonten rasa pangrasa ing batin ingkang alus piyambak supados saget nyawiji rahsaning manungsa saget manunggal kaliyan rahsaning Pangeran. Menika katindakaken kanthi narima, rila, iklas, sumarah dumateng kasunyatan gesang wonten alam donya, lajeng saget momot pasrah sakwetahipun wonten ngarsane Pangeran. Menawi lampah rasa pangrasa menika katindakaken kanti lumintu (istiqomah) mahanani kaweningan nedhahaken alam ghaib mangertosi alam suci kelanggengan suwung tanpa subawa inggih menika kahananipun sangkan paraning dumadi asale manungsa saka Allah lamun bali marang Allah maneh.
Rahayu, Rahayu, Rahayu
Tidak ada komentar:
Posting Komentar